الفقر ماشي عيب

We spend money we don't have to buy things we don't need,to tease people we don't love,impress persons we can't get,or please others we don't know.

The bottom line is,you don't have to try so hard to satisfy people,no matter what you do,they will talk about you,so being satisfied with yourself is enough,and mostly: sir 3la 9ed jibek,l3ya9a atjibha ghir frassek 

This one is dedicated to :

هاداك للي كيضارب مع موالين الدار باش يضبر على 15 درهم يتقهوا بيها فالشارع

هاديك اللي خصرات فلوس اللي عطاوها واليدها باش تشري شي صاك غالي و تعياق على صحاباتها

هاداك للي مخلي عائلتو بالجوع و غادي يخصر الفلوس على صاحبتو باش يبان

هاداك اللي ماقاد حتى على الكرا ديال الدار،و مسلف باش يدير عرس و جوق و لحالة،باش ناس يقولو ليه نتا واعر

هاداك للي خدام 6 أشهر باش يكري موطور غالي و يبان على بنات اللي سي

هاداك اللي كايبقا يفوح عليك و نهار تمشي عندو ماكايحط حتى كاس داتاي

هاداك اللي كايبيع حوايجو باش يقدر يخرج مع صحابو للي هوما اصلا لاباس عليهوم و داكشي للي جمع هوما كياخدوه غير أغجون دو بوش من والديهوم

هاديك للي ساكنا فحي شعبي،و حاطا تصاور ففيلا نموذجية باش يقولو الناس راها فشكل

هاداك للي كايكساب بورتابل واحد،و كيضرب بيه الارض قدام شي درية مابغاتش تهضر معاه،زعما راني طايب

هاداك للي مافحالوش،و ماراضيش بالقسمة،كيحشم يشوفوه صحابو راكب فالطوبيس،ولا لابس صندالة دلميكا

هاديك للي غادية لليسي علا رجليها،من كتبقا ليها 100 متر كتاخد بتي طاكسي ب 5 دراهم،باش تبان ملوعقة

هاداك للي خدام خارج السلم و كيتزاحم مع الناس ديال الطبقة المتوسطة فسوق البال،و من يجي للخدمة كيقول ليهم شريت هاد لبسا من البوتيك

هداك للي ماشابع حتى خبز و مربي كانيش مسميه ماكس،باش يبان موديرن

هاديك للي ماقانعاش بحوايج للي عندها كتسلف ديما عند صحاباتها باش تبان

هاديك للي مازال كيصحابها الا تصورات فماكدو،بورغر كنغ،ستارباكس،او لا كنتاكي... ايقولو ناس : واو

فخاطر كاع هادوك للي كايقنعو ريوسهوم بانهم شي حاجة للي ماشي هوما....

ماشي لابدا تولي هاديك الحاجة،احيانا للي ماكانحملوش فينا،هو للي كيجعلنا مميزين...
و الفقر ماشي عيب..

أسامة حمامة

https://www.facebook.com/hamamaofficial